Phir milenge doston

2 saal aise lagte hain jaise bus 2 pal saath the jiye..

Abhi to mile the…aur aaj sabh apni-apni rah chal diye..

Chale the, na jaane  aankhon me kitne khwaab sajaaye..

Har mod pe, naye-naye dost the banaaye..

Kaafila yun hi badta chala gaya…

Main haste-haste bus chalta chala gaya

Tum saath the doston, to gum me bhi khushi manaani seekh li thi..

Tum saath the doston, to maine bhi bus, saath nibhaane ke liye thodi daaru pee li thi..

Padaai se dur dur ka naata rishta todke jiye..

 hum to bus  dil se dil jod ke jiye..

subah-subah uthe, to bhi ,class ke baahar se hi waapas aa gaye

Din me dhaabe pe baithe mile….shaam tak poore sheher per chhaa gaye

Kuchh aise hi yaaron ke saath ghoomte-firte, har din bitaaya karte the…

Mahine me ek bar, teacher ko sirf shakal bhar dikhaana ke liye class me ghuss jaaya karte the

Kabhi mausam ne karvat li to mausam achha hai ye keh ke hiking pe nikal liye…

To kabhi holi-diwali ke naam par hafton tak mass bunk the kiye..

Yahaan Behen ko bhai bola, to har waqt hasne waala kanoon bhi yahin par tha mila

Baat-baat par peetne ki baat karne waali chhutki bhi yahin thi…baton se gangwar karne waala bhi yahin par hi mila

Bade buzurg daddu hamesha saath the,

Aur to aur,  yahaan par  pyaar me pade tota-maina ke haaton me haath the..

Har ladki ko chhedne waale dost ka saath bhi mujhe khoob tha mila..

Jatiwad failaane waale thakur ka yahaan par hi tha quila

Idhar ek aisa bhi CR tha jiski har baat pe kuchh double meaning hota tha

To udhar marty apni priye sakhi ko chida-chida ke khush hota tha

Kayi rang dekhe iss safar me, kayi yaadein sanjoyi

Kabhi khushi se daaman bhar gaya, kabhi aankhen non-stop royi

Teachers ko koste-koste, placement cell ko khojte-khojte, pata hi nhi chala time kab guzar gaya

Abhi to aaye the…aur ab jaane ka waqt bhi ho gaya..

Sach bolu, to ab lagta hai kaash kuchh aur din jee paate iss masti bhari zindagi ke..

Ab achanak dil ,daudta hue waqt ko rokne ke dhoondta hai tareeke

Par chalna to hai hi doston…aage badne se hi to maanzil tak pahunchenge

Bus wada karke jaana, ki e-dost, jald hi milenge..

Milte hi gale laga loge , fir ek baar saath-saath chalenge..

Bus wada karke jaana ki e dost, jald hi milenge..